Suna Hai (written by Pakeeza Rizvi)

Suna hai atishee rang ke badalon me,
Chupe hain dard ke aansoo baharon ke,
Choo ke masroor kar rahe hai jo hawa tujh ko,
Ujaar kar aye hai ghar hazaron ke,

Abar jo khul ke barsa to hara hoga tera gulshan,
Murjheange magar gulab kaen baghon ke,
Suna hai atishee rang ke badalon me,
Chupe hain dard ke aansoo baharon ke,

Kya kabhi dekha hai tu ne khizaon ko baharon me,
Me ne dekha hai ye manzar kaen janazon me
Suna hai atishee rang ke badalon me,
Chupe hain dard ke aansoo baharon ke,

Tujhe seraab kargayen hain barish ke jo bondee,
Baha kar aayen hain selaab kise ke ankhon se,
Suna hai atishee rang ke badalon me,
Chupe hain dard ke aansoo baharon ke,
Choo ke masroor kar rahe hai jo hawa tujh ko,
Ujaar kar aye hai ghar hazaron ke,

Pakeeza Rizvi